دەنگی پارت و لایەنە سیاسییەکانی تورکیا بەراورد بە ساڵی رابردوو گۆڕاوە، بەگوێرەی دواهەمین کۆمپانیای راپرسی، جەهەپە پێش ئاکپارتی کەوتووە.
کۆمپانیای ڕاپرسیی ئاساڵ لە دواهەمین بەدواداچوونیدا دەنگی پارت و لایەنە سیاسییەکانی بڵآوکردووە و بەراوردی کردووە لەگەڵ هەڵبژاردنەکانی 14ـی ئایاری ساڵی رابردوو.
بەگوێرەی ئەم ڕاپرسیە، ئاکپارتی ئایاری پار لەسەدا 35.6ـی دەنگەکانی بەدەست هێنابوو. لە هەمان مانگی ئەمساڵ دەنگەکانی بۆ لەسەدا 30.6 دابەزیوە.
هاوکات جەهەپە لە 14ـی ئایار لەسەدا 25.3ـی دەنگەکانی بەدەستهێنابوو، لە هەمان مانگی ئەمساڵ جەهەپە بۆ لەسەد 31.5 بەرزبووەتەوە. لەلایەکی دیکەوە دەم پارتی لەسەدا 8.8ـی دەنگەکانی بەدەستهێنابوو بەڵام ئەمساڵ دەنگەکانی بۆ 9.6 بەرزبووەتەوە.
