بەرپرسێکی وەزارەتی نەوتی عێراق کە بەشێکە لە شاندەکەی عێراق ڕۆژی شەممە وتی وەزیری نەوتی عێراق حەیان عەبدلغەنی دوای نەشتەرگەرییە بەپەلەکەی کە بۆ دڵی ئەنجام دراوە لە ماوەی سەردانە فەڕمییەکەیدا بۆ ئەمەریکا بارودۆخی جێگیرە.
عەبدلغەنی پێشتر لەم هەفتەیەدا بە سەردانێک گەیشتە ئەمەریکا، ئامانجی سەردانەکە بۆ هاندانی کۆمپانیا ئەمەریکاییەکان تاکو وەبەرهێنان لە کەرتی وزەی عێراقدا بکەن.
بەرپرسەکەی وەزارەتی نەوتی عێراق وتی عەبدلغەنی لە ماوەی سەردانەکەیدا لە ناکاو نەخۆش کەوتووە و بەپەلە گواستراوەتەوە بۆ نەخۆشخانە و نەشتەرگەری دڵی بۆ ئەنجام دراوە.
بەرپرسەکە وتی ” لە ژووری نەشتەرگەری هاتووەتە دەرەوە و بارودۆخی جێگیرە.”