دی یۆنگ لە هیچ یارییەکدا بەشداری نەکردووە، لەو کاتەوەی لە یاری کلاسیکۆ بەرامبەر ڕیال مەدرید لە ٢١ی نیسان لە یاریگای سانتیاگۆ بێرنابیۆ، لێدانێکی بەهێزی بەر پاژنەی ڕاستی کەوت.
پێشتر باس لەوە کرابوو کە دی یۆنگ دەگەڕێتەوە بۆ یارییەکانی لەگەڵ بەرشەلۆنە، سەرەتا لە یارییەکەی چامپیۆنزلیگ بەرامبەر مۆناکۆ دەستپێدەکارد، بەڵام فلیک دووپاتیکردەوە کە یاریزانەکە هێشتا پێویستی بە ماوەیەکی زیاتر هەیە بۆ ئەوەی چاکبێتەوە.
بەگوێرەی ڕۆژنامەی “مۆندۆ دیپۆرتیڤۆ”ی ئیسپانی، دی یۆنگ بەردەوامە لە چاکبوونەوە لەو کێشانەی کە لە پاژنەی پێی ڕاستیدا بەدەستیەوە دەناڵێنێت، هەرچەندە لە دووشەممەی ڕابردووەوە دەستیکردووە بە بەشداریکردن لە مەشق و ڕاهێنانی گروپی.
ئاماژەی بەوەشکردووە، ستافی تەکنیکی فلیک پێیان وایە دی یۆنگ هێشتا ئامادە نییە لەگەڵ تیپەکە بێت لە یارییەکانی خیتافی و ئۆساسۆنا.