وەزارەتی کەلتوور و گەشتوگوزاری تورکیا لە ڕاگەیەندراوێکدا بڵاوی کردەوە، لە مانگی ئابی ئەمساڵ شەش ملیۆن و 825 هەزار و 403 گەشتیار سەردانی تورکیایان کردووە .
وەزارەتی گەشتوگوزاری تورکیا دەڵێت ئەم ژمارەیە بەراورد بە هەمان مانگی ساڵی ڕابردوو لەسەدا 2.47 زیاترە، هاوکات بەر بەگوێرەی ئامارەکە، 277 هەزار و 271 گەشتیار بۆ رۆژێک سەردانی تورکیایان کردووە.
زۆرترین گەشتیاریش سەردانی ئانتاڵیایان کردووە و ڕێژەکەی لە کۆی گشتیدا لەسەدا 37.75ـە.
هەشت مانگی ساڵی رابردوو ژمارەی گەشتیاران 35 ملیۆن و 803 هەزار و 874 کەس بوو، بەڵام ئەمساڵ رێژەکە لەسەدا 7.11 زیادیان کردووە.