بەربژێرەکێ ليستا 190 يا پارتی ل بازنا دھۆکێ راگەھاند: ئەز وەک مەلا و خودبەخين و ماموستا ل قوتابخانێن ئاينی د وەزارەتا ئەوقافێ دا، کار و پلانێن من خزمەتکرنا خەلکێ مەيێ خوشتڤی و گەھاندنا گلە و گازندێن وان بۆ ناڤ ھوڵا پەرلەمانی و جھێن شولە ژێ ب خەمخۆری و دلسوزی و ئەمانەت ڤە.
مەلا حسین کواشی سلێڤانەی بەربژێرێ ژمارە 17لسەر لیستا 190یا پارتی دیموکراتی کوردستان ل بازنا دهۆکێ بۆ ئاژانسا هەواڵی زاگرۆس راگەهاند: خالا ئێکێ کو دڤێت گرنگی پێ بھێتە دان پاراستنا ژينگەھێ يە چونکی دەڤەرا مە بويە جھەکێ پيشەسازی گلە و گازندێن خەلکی ھەنە لسەر پيسبونا ژينگەھێ ژبەر ڤێ چەندێ پێدڤيە ئەم پيسبونا وێ سنوردار بکەين و پێکولا پاقژيا وێ بکەين ب بەردەوامی و شينکاتی و دار و باران بچينين و لبن سيبەرا وەزارەتا تەندوستيێ بچين و لديف سيستەمێ تەندروستی يێ جيھانی ئەڤان کارگەھان لديف بچن و پێگير ببن.
سلێڤانەی دیار ژی کر: ئێک ژ کارێن من يا دڤێت کار لسەر بکەم پرسا گەنجانە و دەليڤێن کاري بو بھێنە پەيدا کرن و رێژا بەتاليێ کێم ببين و لديف بسپورو و شارەزايێن وان کار پێ بھێنە دان، خالەکا دی دبەرنامێ مندا مافێ خانەنشينان ب راست و دروستی و لديف مافێن وان بھێتە دان سەرەرای ھندێ ل ڤێ دوماھيێ ب شێوەکێ باش مافێن پێ ھاتينە دان بەلێ ھێش يا مای دڤێت مافێن وان ب شێوازەکێ باشتر پێ بھێنە دان.
مەلا حسین سلێڤانەی بربژێرێ ژمارە17لسەر لیستا 190یا پارتی ل بازنا دهۆک زێدەتر بۆ ئاژانسا هەواڵی زاگرۆس گۆت: ئەز وەکو بربژێرەک ل تاخەکێ هەژار و زێدەگاڤ دژیم وەک هەژارەک دێ ب هەمی شیان ڤە کارکەم بۆ دارێژتنا ماستر پلانەکا گشتگير بۆ هەژارێن پارێزگەها دهۆکێ.
