بەبژێرێ ژمارە 13لسەر لیستا 190یا پارتی ل بازنا دهۆکێ راگەهاند: ئەز وەکی زانایەکێ کورد ل جیهانێ لێرەمە دا کو خزمەتا خەلک و هەرێما کوردستانێ بکەم.
دکتۆر و پروڤیسۆر جگەر عزیزعلی هەڕکی بەربژێرێ ژمارە 13لسەر لیستا 190یا پارتی دیموکراتی کوردستان ل بازنا دهۆکێ بۆ ئاژانسا هەواڵی زاگرۆس راگەهاند: بەرنامێ کارێ من وەکو ئەندازیارێ نەفت و گازێ و هەلگرێ برواناما دکتۆرایێ دێ هەمی شیانڤە کارکەم بۆ زێدەتر بەرڤ پێش برنا کەرتێ نەفت و گازێ ل هەرێما کوردستانێ هەروەسا ل کەرتێ پەروەردە و زانینێ دا و گرنگی دەمە گەنجا و ڤە دیتنا دەلیڤێن کاری بۆ گەنج و لاوا.
هەڕکی گۆت: راستە ئەز پڕۆڤیسورم ل چەندین زانکۆێن ناڤخۆی و دەرڤە بلێ ئەز دناڤ خەم و ژانێت مللەتێ خودا ژ دایک بومە و پەروەردە بومە، ئەز وەکی زانایەکێ کورد ل جیهانێ لێرەمە دا کو خزمەتا هاوڵاتیێن خو بکەم.
جگەر هەڕکی بەربژێرێ ژمارە 13 لسەر لیستا 190یا پارتی ل بازنا دهۆکێ زێدەتر گۆت: دێ کارکەم بۆ رەخساندنا دەلیفێن کاری بۆ کچ و کورێن ڤێ دەڤەرێ، داخاز ژ خەلکێ خو یێ خۆەشتڤی دکەم دەنگ بدەنە لیستا 190یا پارتی و دناڤدا بەربژێرێ ژمارە 13بۆ خزمەت کرنا گەڵ و وەڵاتێ خو.