سەرباری هۆشداریی و مەترسییەکان لە زۆری ڕێژەی باران بارین و دروستبوونی لافاو لە شاری هەولێر، پارێزگاری هەولێر ئه‌وه‌ی خسته‌روو، تا ئێستا هیچ بڕیارێک بۆ پشوو نییە، كه بەهۆی مەترسییەکانی لافاو و باران بارین ڕابگەیەندرێت.
ئومێد خۆشناو، پارێزگاری هەولێر رایگەیاند، لە ئێستادا هیچ بڕیارێک نییە بۆ ئەوەی بەهۆی باران و مەترسییەکانی دروستبوونی لافاو، پشوو لە پارێزگای هەولێر ڕابگەیەندرێت.
کەشی سبەینێ یەکشەممەش، 03-11-2024، وەکوو ئەوەی ئاماژەی پێ کراوە “ئاسمان هەوری تەواو دەبێت لەگەڵ بارانی بەخۆڕ لە کاتەکانی بەیانیدا لە ناوچەکانی هەولێر و کەرکووک و سلێمانی و هەڵەبجە و ئیدارەی راپەرین. لە دوای نیوەڕۆ و کاتەکانی شەودا باران بە ڕێژەیەکی کەمتر بەردەوام دەبێت.”
کوردستان24