ئۆپەراسیۆنە هاوبەشەکانی عێراق ڕایگەیاند، لە زنجیرەچیاکانی حەمرین، ٤ چەکداری داعشیان کوشتووە.
ئۆپەراسیۆنەكە ڕاگەیاندووە، لەسەر بنەمای ڕێنماییەكانی محەمەد شیاع سوودانی، فەرماندەی گشتیی هێزە چەكدارەكان، هێزەكانمان بە ئۆپەراسیۆنێكی سەركەوتوو هەستان و چوار چەكداری داعشیان لە ناوچەی حەمرین بە ئامانج گرت.
بەپێی ڕاگەیەندراوەكە هێرش بۆ سەر مەفرەزەكەی داعش، كاتژمێر 6:20 دەقیقەی ئێوارەی ئەمڕۆ شەممە، بە فڕۆکەی ئێف ١٦ كراوە، هاوکات هەموو بەئەمانجگیراوەکان کوژراون.
ڕاگەیەندراوەكە دەشڵێت: ئەو پرۆسانە بۆ لەناوبردنی تیرۆریستان لە تەواوی عێراقدا بەردەوام بدەن.