لە درێژەی یارییەکانی گەڕی 14ی خولی ئیسپانیا، یانەی ریال مەدرید لە دەرەوەی یاریگای خۆی ڕووبەڕووی ليگانێس بوویەوە.
لە ئەنجامدا یانەی شاهانە توانی یارییەکە بە سێ گۆڵی بێبەرامبەر لە خاوەن یاریگا بباتەوە.
لە تایمی یەکەم، ریال مەدرید باشتر دەرکەوت و کۆنتڕۆڵی تۆپ زیاتر لای ئەوان بوو، چەندین هێرشیان بردە سەر گۆڵی ليگانێس تاکو لە خولەکی 43دا کیلیان ئێمباپێ بە ئاسیستێکی ڤینیسیۆس گۆڵی یەکەمی تۆمارکرد.
لە تایمی دووەمدا، ليگانێس چەندین گۆڕانکاریان بە یاریزانەکانی کرد، بەڵام ڤالڤێردی لە خولەکی 66 بۆ جاری دووەم تۆڕی گۆڵی بەرامبەری هەژاند، لە خولەکی 85دا یانەی مێرنگی گۆڵی سێیەم و دڵنیایی لە ڕێگەی بێلینگهام تۆمارکرد و یارییەکەش بەو شێوەیە کۆتاییهات.
بەم سەرکەوتنە، یانەی ریال مەدرید هەنگاوێکی تر لە بەرشەلۆنەی پێشەنگ نزیککەوتەوە بە کۆکردنەوەی 30 خاڵ.