سەرۆکی ئەنجوومەنی مۆلیدە ئەهلییەکانی پارێزگای هەولێر ڕایگەیاند: نرخی یەک ئەمپێر لە پارێزگای هەولێر لە نێوان 9 هەزار تاوەکوو 13 هەزار و 750 دینارە.
ئەمرۆ یەکشەممە 1/12/2024، خۆران خۆرانی، سەرۆکی ئەنجوومەنی مۆلیدە ئەهلییەکانی سنووری پارێزگای هەولێر ڕایگەیاند: “نرخی ئهمپێری مۆلیدە ئەهلییەکان بۆ مانگی 11 لەناو شاری هەولێر و دەوروبەری دیاری کرا، کاتژمێرەکانی ناو شار لەنێوان 210 کاتژمێر تاوهكوو 319 کاتژمێرە، نرخی یەک ئەمپێر لەنێوان 9 هەزار دینار تاوهكوو 13 هەزار و 750 دینارە، واتا یەک کاتژمێر کارکردن 43 دینارە.”
ئاماژەی بەوەش دا: “مۆلیدەکانی دەوروبەری هەولێر، کاتژمێرەکانیان لەنێوان 125 کاتژمێر تاوەکوو 430 کاتژمێرە، نرخی یەک ئەمپێر لەنێوان 6 هەزار دینار تاوەکوو 17 هەزار و 250 دینار، واتا نرخی یەک کاتژمێر کارکردنی مۆلیدە (40 بۆ 48) دینارە.”