دوای ئهوهی دهسهڵاتدارانی سوریا و سهرۆكی سوریا روخێنران و هێزهكانی ئۆپۆزسیۆنی سوریا چوونه ناو دیمهشق، سهركهوتنیان راگهیاند، لهمبارهیهوه، مهكتهبی سیاسی پارتی دیموكراتی كوردستان راگهیهنراێكی بڵاو كردهوه، هیوای خواست قۆناغی داهاتوو، قۆناغی خۆشی و ئارامی و کۆتاییهاتنی ئاڵۆزییەکان و، سەرەتایەکی نوێ بێت لە پێکەوەژیان و یەکترقبووڵکردنی گشت پێکهاتەکانی ئەو وڵاتە.
وتیشی، هیوادارین زمانی دیالۆگ ببێتە بنەمای سەرەکی بۆ چارەسەری گشت کێشەکان و ڕێز لە ئیرادە و خواستی گەلان بگیرێ.
ئهمهش دهقی راگهیهنراوهكهیه:
سەبارەت بە گۆڕانکاری و ڕووداوی ئەمڕۆی وڵاتی سوریا، ئێمە لە پارتی دیموکراتی کوردستان، ڕێز لە بژاردە و ئیرادەی گەلانی سوریا دەگرین.
هیوادارین قۆناغی داهاتوو، قۆناغی خۆشی و ئارامی و کۆتاییهاتنی ئاڵۆزییەکان و، سەرەتایەکی نوێ بێت لە پێکەوەژیان و یەکترقبووڵکردنی گشت پێکهاتەکانی ئەو وڵاتە، هەروەها ژینگەیەکی لەبار و دەرفەتی گونجاوی سەردەمیانە بڕەخسێت بۆ ژیانێکی شایستە بە گەلانی سوریا لە هەموو ڕوویەکەوە.
لەلایەکی دیکەوە هیوادارین ئەم گۆڕانکاریە کاریگەریی ئەرێنی لە پەیوەندییەکانی دەرەوەی سوریا و ڕەنگدانەوەی باشی هەبێ لە چارەسەری کێشە و گرفت و پەرەسەندنەکانی ئەم چەند ساڵەی دوایی لە سەرتاسەری ناوچەکە و، زمانی دیالۆگ ببێتە بنەمای سەرەکی بۆ چارەسەری گشت کێشەکان و ڕێز لە ئیرادە و خواستی گەلان بگیرێ.
مەکتەبی سیاسیی
پارتی دیموکراتی کوردستان
٨ـی کانوونی یەکەمی ٢٠٢٤
