پۆلیسی هەولێر لە راگەیەنراوێکدا رایگەیاند, دوو شوفێر لەسەر شەقام دوای دەمەقاڵی و هەڕەشە لەیەکتر تەقە لەیەکتر دەکەن و یەکێکیان زامدار دەبێت و دواتر دەستگیر دەکرێت.
بەڕێوەبەرایەتیی پۆلیسی پارێزگای هەولێر، تۆمەتبارێکی بەناوی (س. ف. ع) دەستگیر کرد، کەوا لەگەڵ شوفێرێکی تر لە کاتی ڕۆیشتنیان لەسەر شەقام دەبێتە کێشە و دەمەقاڵییان و هەڕەشە لە یەکتر دەکەن، کە دواجار ئۆتۆمبێلەکانیان ڕادەگرن و توندوتیژی دروست دەبێت، کە شوفێری ئاماژەپێکراو بە چەکی جۆری (کڵاشینکۆف) تەقە لە شوفێری بەرامبەری دەکات و لە ئەنجامدا زامدار دەبێت و زیانیش بەر ئۆتۆمبێلەکەی دەکەوێت.
تۆمەتباری ناوبراو، دانی نا بە تاوانەکەیدا، بۆیە بە بڕیاری بەڕێز دادوەری لێکۆڵینەوە ڕاگیرا و ڕادەستی دادگا کرا.
https://www.facebook.com/watch?v=862026549183125