خەونی بردنەوەی تۆپی زێڕین لە ساڵی 2025 ڕۆڵی گەورەی هەیە لە زیادکردنی چانسی مانەوەی محەمەد سەڵاحی میسری بۆ وەرزی داهاتوو لەگەڵ لیڤەرپوول.
گرێبەستی ئێستای سەڵاح لەگەڵ لیڤەرپوول لە هاوینی 2025 کۆتایی دێت، هەروەها دەتوانێت بە خۆڕایی لەگەڵ هەر یانەیەک واژۆ بکات، ئەمەش لە مانگی یەکی داهاتووەوە دەستپێدەکات.
ڕۆژنامەی “میرۆر”ی بەریتانی لە ڕاپۆرتێکدا ڕایگەیاندووە: سەڵاح بە تەواوی ئاگاداری گرنگی تێپەڕاندنی ئەفسانەی بیلی لیدل لە لیستی گۆڵکارانی لیڤەرپوول لە هەموو سەردەمێکدایە، چونکە لە ئێستادا بە تۆمارکردنی 229 گۆڵ پلەی چوارەمی بەدەستهێناوە.
لە درێژەی قسەکانیدا وتی: ئەو بۆ شکاندنی ژمارە پێوانەییەکان دەژی و لەکاتێکدا پێدەچێت ژمارەی گۆڵەکانی یان ڕاش کە 346 گۆڵە، بەڵام ئێستا ئەستێرە میسرییەکە چاوی لەسەر پلەی سێیەمی گۆردۆن هۆدجسۆنە.