بە هۆی شەڕ و ئاژاوە لە دوای یاریی نێوان هەولێر و ئاکرێ، یاریزانێکی هەولێر بۆ ماوەی یەک ساڵ راگیرا.
دوای تەواوبوونی یارییە دواخراوەکەی نێوان هەولێر و ئاکرێ لە خولی نایابی کوردستان، شەڕ و پێکدادان لە نێوان سەلام ئەحمەدی بەرگریکاری هەولێر و راهێنەری گۆڵپارێزانی ئاکرێ روویدا، ئەمڕۆش لێژنەی رێککاری و سزادان لە یەکێتی تۆپی پێی کوردستان دوای لێکۆڵینەوە لە رووداوەکە بریاریدا بە راگرتنی بەرگریکارەکەی هەولێر بۆ ماوەی یەک ساڵ و پێبژاردنیشی به بڕی 2000000 دوو ملیۆن دینار.
بریارەکەی یەکێتی تۆپی پێی کوردستان
دوای لێکۆڵینەوە و بە دواداچوون لەو رووداوەی لە دوای یاری نێوان یانەی هەولێر و یانەی ئاکرێ لەیاری دواخراوی گەڕی دووەمی خولی نایابی کورڕستان بۆ وەرزی 2024-2025 ، لە نێوان راهێنەری گۆڵپارێزانی یانەی ئاکرێ و یاریزانێکی یانەی هەولێر روویدا ، بریاریدا بە :
1- راگرتنی ( سەلام ئەحمەد ) یاریزانی یانەی هەولێر لەم بەروارە 26-1-2025 بەدواوە بۆ ماوەی یەک ساڵ لە سەرجەم خولەکانی کوردستان.
2 _ پێبژاردنی بە بڕی 2000000 دوو ملیۆن دینار.
چەند وەرزێک پێش ئێستا پێکدادان لە نێوان ئەم یاریزانە و راهێنەری گۆڵپارێزانی ئاکرێ کە ئەو کات یاریزانەکە لە پێشمەرگەی هەولێر و راهێنەرەکەش لە سۆران بوو روویداوە، ئەم کێشەیە ماوەتەوە و چارەسەر نەکرابوو.