“محەمەد شەعار” وەزیری نێوخۆی پێشووی سووریا، خۆی ڕادەستی ئاسایشی گشتیی سووریا کرد.
محەمەد شەعار کە لە ساڵی ٢٠١١ و هەتا ٢٠١٨ وەزیری نێوخۆ بوو، ئەمڕۆ خۆی ڕادەستی ئاسایشی گشتیی سووریا کرد.
شەعار، لە کەناڵی ئەلعەرەبیە ڕایگەیاندبوو، ئەو بە ڕەزامەندیی خۆی خۆی ڕادەست کردووە.
گوتیشی شانەی قەیرانی سووریا کە ئەویش ئەندامی بوو لە دەستپێکی شۆڕشی سووریا فەرمانی بەکارهێنانی توندی و تیژیی نەدابوو و هەروەها دەڵێت ویژدانی من ئاسوودەیە و هیچ تاوانێکم نەکردووە کە لەسەری سزا بدرێم.