فڕۆکەیەکی نەفەر ھەڵگر لە کاتی نیشتنەوەیدا لە فڕۆکەخانەی تۆرۆنتۆ پیێرسۆن لە کەنەدا، تێکشکا و بەھۆیەوە ھەشت کەس برینداربوون.
کارگێڕیی فڕۆکەخانەی تۆرۆنتۆ پیێرسۆن لە ڕاگەیاندراوێکدا ئاماژەی بەوەداوە کە فڕۆکەیەکی نەفەرھەڵگر سەربە کۆمپانیای “Delta Air Lines” کە بە ژمارەیەک سەرنشینی لە شاری مینیاپۆڵیس لە ئەمریکا لە گەشتێکدا بوو بەرەو شاری تۆرۆنتۆ، لە فڕۆکەخانەی تۆرۆنتۆ پیێرسۆن تێکشکاوە.
ھاوکات کەناڵی “CP24“ی کەنەدی بڵاوی کردەوە کە بەهۆی ڕووداوەکەوە، ھەشت کەس برینداربوون.
