کازم غەریب ئابادی، نوێنەری ئێران لە ڕێکخراوە نێودەوڵەتییەکان ڕایگەیاند، لە گفتوگۆکاندا لەگەڵ وڵاتانی ئەورووپایی جەختیان لەسەر پابەندبوونی هەموو لایەنەکان بە دۆزینەوەی ڕێگاچارەی دیپلۆماسی و بەردەوامیدان بە گفتوگۆکان لە داهاتوودا کردووەتەوە، بەتایبەتی سەبارەت بە بەرنامەی ئەتۆمیی ئێران و لابردنی سزا نێودەوڵەتییەکان.
هەمانکات، سێ وڵاتی ئەرووپایی لە بەیاننامەیەکدا ڕایانگەیاند، لە دیدارەکانیان لەگەڵ نوێنەرانی ئێران، جەختیان لەسەر پابەندبوونی خۆیان بۆ دۆزینەوەی ڕێگاچارەی دیپلۆماسی کردووەتەوە و لەسەر ئەوە ڕێککەوتوون کە لە داهاتوودا درێژە بە دانوستانان بدەن.