ئەرتەشی ئوردن بڵاوی کردووەتەوە بەرەبەیانیی ئەمڕۆ پێنجشەممە ٦ی ئادار، شەڕێک لە نێوان هێزەکانی پاراستنی سنوور و قاچاخچیانی ماددەی هۆشبەر لەسەر سنووری سووریا و ئوردن ڕووی داوە.
بەهۆی ئەم شەڕەوە ٤ قاچاخچی کوژراون و هێزەکانی پاراستنی سنوور دەستیان بەسەر بڕێکی زۆری ماددەی هۆشبەردا گرتووە. قاچاخچیان ویستوویانە ئەم مادانە بۆ ناو ئوردن بیگوازنەوە.
بەپێی لێدوانی ئەرتەشی ئوردن، لەم دواییانەدا قاچاخی ماددەی هۆشبەر لە سووریا بە شێوەیەکی بەرچاو زیادی کردووە. بۆ پاراستنی ئاسایش و سەروەریی سنووری ئوردن-سووریا، هەروەها ڕێگرتن لە قاچاخچیان، ئەوان بە هەموو توانایانەوە هەوڵ دەدەن سنوورەکانیان بپارێزن.