هانسی فلیکی ڕاهێنەری یانەی بەرشەلۆنە دووپاتیکردەوە کە تیپەکەی بەتەواوی سەرنجی خۆی لە پێش یارییەکەی ڕۆژی یەکشەممە بەرامبەر ئەتلەتیکۆ مەدرید لە گەڕی ٢٨ی خولی ئیسپانیا.
فلیک لە کۆنگرە ڕۆژنامەوانییەکەی یارییەکەدا گوتی “دەبینم تیپەکە بە تەواوی سەرنجی لەسەر یارییەکەی سبەینێیە، ئێمە بە چاوەڕوانییەکی زۆرەوە چاوەڕێی یارییەکە دەکەین، یارییەکە قورس دەبێت، بەڵام هەمیشە شتگەلێک هەن کە دەتوانین فێری بین و پێشبکەوین، سبەی تەحەدایەکی سەخت دەبێت، بەڵام ئامادەین”.
ئاماژەی بەوەشکرد، بۆ من ئەتلەتیکۆ پێکهاتەیەکی زۆر بەهێزی هەیە نەک تەنها سێ یان چوار یاریزان، پێموانییە ڕووبەڕووبوونەوەی ڕیال مەدرید کاریگەرییەکی ئەوتۆی لەسەر دروستبکات، ئەوان لە دۆخێکی باشدان، ئەزموونیان هەیە، ئەوەش کێشە نابێت.