بەهای زێڕ بەردەوامە لە بەرزبوونەوە و گەیشتووە بەرزترین نرخ لە مێژووی خۆیدا، سەندیكای زێڕەنگەرانی کوردستان ئاشكرای کرد، بەراورد بە مانگی پێشوو هەر مسقاڵێك زێڕ 65 هەزار دیناری چووەتە سەر.
ئەمڕۆ یەكشەممە 14ی 4ی 2025، نرخی ئۆنسەیەک زێڕ لە بازاڕەکانی جیهاندا بە سێ هەزار و 214 دۆلارە.
بانکیی گۆڵدمان ساکس، یەکێک لە گەورەترین بانکەکانی جیهان ئاشكرای كردووە: “نرخی زێڕ تاوەکوو کۆتایی ئەمساڵ لە سێ هەزار 300 دۆلارەوە بۆ سێ هەزار و 700 دۆلار بەرز دەبێتەوە.”
نرخی زێڕ لە بازاڕەکانی هەرێمی کوردستانیشدا بەم شێوەیە مامەڵەی پێوە دەکرێت:
مسقاڵێک زێڕی عەیارە 18 بە 578 هەزار دیناره
مسقاڵێک زێڕی عەیارە 21 بە 675 هەزار دیناره
مسقاڵێک زێڕی عەیارە 24 بە 770 هەزار دیناره.