جۆرج کلۆنی، ئەکتەری ئەمریکی، لێدوانەکانی دۆناڵد ترەمپ، سەرۆکی ئەمریکا لە دژی ئەو بە گرنگ نابینێت.
سەرۆکی ئەمریکا لە لێدوانێکیدا دەڵێت: کلۆنی “ئەستێرەیەکی سینەمایی پلە دووە”. هەروەها ئاماژەی بۆ ئەوەشکرد، پێویستە کلۆنی روو لە تەلەڤزیۆن بکات، چونکە بۆ ئەو گونجاوترە.
ئەمەش لە دوای ئەوە دێت کە کلۆنی لە هەڵبژاردنەکانی ئەم دواییەی ئەمریکا، پاڵپشتی لە دیموکراتەکان کرد.
کلۆنی لە وەڵامی لێدوانەکەی ترەمپ، گوتی: “بەلامەوە گرنگ نییە، ماوەیەکی زۆرە ترەمپ دەناسم، کاری من ئەوە نییە سەرۆکی نەتەوە یەکگرتووەکان رازی بکەم”.