براد پیت، ئەکتەری ئەمریکی، لە بەشی دووەمی یەکێک لە فیلمە بەهێزەکانیدا رۆڵدەگێڕێت.
فیلمەکە بەناوی “The Continuing Adventures of Cliff Booth”یە و بەشی دووەمی زنجیرە فیلمی “nce Upon A Time In Hollywood”یە.
لە بەشی دووەمی فیلمەکەدا، پیت رۆڵی ئەکتەرێک لە حەفتاکانی سەدەی رابردوودا دەگێڕیت.
بەشی یەکەمی فیلمەکە لە 2019 بڵاوکرایە و لیۆناردۆ دیکاپریۆ و براد پیت رۆڵی سەرەکیان تێدا گێڕا و لە دەرهێنانی کوانتین تارانتینۆیە.
بەشی دووەمی فیلمەکە لە دەرهێنانی دەیڤید فینشەرە و لە نووسینی ترانتینۆیە.
تۆڕی نێتفلێکس بەرهەمهێنەری فیلمەکەیە و بڕیارە لە هاوینی ئەمساڵ وێنە بگیرێت و بودجەی خەملێندراوی 200 ملیۆن دۆلارە.
سەرچاوەیەک رایگەیاندووە، لیۆناردۆ دیکاپریۆ کە رۆڵی سەرەکی لە بەشی یەکەمدا هەبوو، لە بەشی دووەمدا رۆڵێکی لاوەکی دەبێت و رۆڵی سەرەکی لەلایەن براد پیت دەگێڕدرێت.
بەشی یەکەمی فیلمەکە باس لە ئەکتەرێکی ئەمریکی و جێگرەوەی ئەو لە بەرهەمە هونەرییەکاندا دەکات. داهاتی لە سینەماکاندا 329 ملیۆن دۆلارە.