ئەمڕۆ دووشەممە 19ی 5ی 2025، کەناڵی (سکاینیوز)ی عەرەبی بڵاوی کردەوە، دۆناڵد ترەمپ و ڤلادمێر پووتین دوو کاتژمێر تەلەفۆنیان پێکەوە کردووە.
دۆناڵد ترەمپ، سەرۆکی ویلایەتە یەکگرتووەکانی ئەمریکا ڕایگەیاندووە: دوو کاتژمێر لەگەڵ پووتین قسەم کردووە، پێم وایە ئەمە زۆر ئەرێنی بوو.
دەشڵێ: ڕووسیا و ئۆکراینا دەستبەجێ گفتوگۆی ئاشتی دەست پێدەکەن، بۆ ڕاگرتنی شەڕ و دواتریش کۆتاییهێنان بە جەنگ.
هاوکات ڤلادمێر پووتین، ڕایگەیاندووە: ڕووسیا ئامادەی ئاشتی و داڕشتنی یاداشتێکی گفتوگۆی ئاشتیی ئایندەییە لەگەڵ ئۆکراینا، ترەمپیش هاوبۆچوونە لەگەڵ ئەوەی ڕووسیا پشتیوانیی چارەسەری ئاشتییانەیە بۆ قەیرانی ئۆکراینا.