zagros news agency

فراکسیۆنه کوردستانییەکان راگەیەندراوێکیان سەبارەت به بڕیاری وەزارەتی دارایی بڵاوکردەوه

 

فراکسیۆنه کوردستانییەکانی پەرلەمانی عێراق راگەیەندراوێکیان سەبارەت به بڕیاری وەزارەتی دارایی عێراق بڵاوکردەوه.
ئەمەش دەقەکەیەتی:
به بڕیارەکەی وەزارەتی دارایی عێراق تووشی شۆک بووین و سیاسەتی وەزارەتی دارایی گەیشتووەته رادەی برسیکردن و شەڕی بژێویی فەمانبەران.
ئەم بڕیارە بەئامانجگرتنێکی سیاسی و پێشێلکارییەکی ئاشکرای دەستووره و دەستبردنە بۆ کەرامەتی هاووڵاتییانی هەرێمی کوردستان و سیاسەتێکی ستەمکارانەیە وەزارەتی دارایی پەیڕەوی دەکات.
بەفەرمی داوامان لە سەرۆک وەزیرانی فیدراڵی کرد دەستوەردانێکی بەپەلە بکات بۆ خەرجکردنی مووچەی فەرمانبەران لە هەرێمی کوردستان و نابێت مافی هاووڵاتییان بە هیچ کێشەیەکی سیاسی یان تەکنیکی ببەسترێتەوە.
مووچە منەت نییە بەڵکو شایستەیەکی دەستووری و مرۆییە کە دەستوور و یاساکان بۆ خاوەنەکەی مسۆگەریان کردووە و دواخستن یان راگرتنی مووچه بە سزایەکی بەکۆمەڵ دادەنرێت.
داواشمان کردووە کێشەی مووچە بەشێوەیەکی ریشەیی و هەمیشەیی چارەسەر بکرێت و هەڵوێستمان بەندە بە وەڵامی سەرۆک وەزیرانی عێراقەوه.
داوا لە سەرۆک کۆمار و وەزیرە کوردەکان دەکەین هەڵوێستی روون و ئاشکرایان هەبێت.

هەواڵی پەیوەندیدار

راگەیندراوێک لە وەزارەتی دارایی و ئابووری

یاسین

نزیکەی ٣٠٠ ژن و منداڵی تاجیکستانی خێزانی داعش لە عێراق و سووریا مانیان گرتووە و ناگەڕێنەوە

یاسین

فەرماندەیەكی هێزی ئاسمانیی عێراق لەسەر دۆسیەی خستنە خوارەوەی درۆنێكی توركی لە كەركووك دەستگیر كرا

یاسین