وەزارەتی تەندروستی سعوودیە، بڵاوی کردووەتەوە، دامەزراوە تەندروستییەکان بەردەوامن لە پێشکەشکردنی خزمەتگوزارییەکانیان بە شێوەیەکی کارا و بە کوالیتی بەرز بۆ حاجیان.
وەزارەتی تەندروستی سعوودیە، لە پلاتفۆرمی X ڕایگەیاند: “لە سەرەتای وەرزی حەجی ئەمساڵەوە تا ئێستا 25 حاجی کاریگەریی گەرمایان لەسەر بووە.
وەزارەتەکە ڕاشیگەیاندووە، 120 نەشتەرگەری قەستەرەی دڵ و 11 نەشتەرگەری دڵیان کردووە.
وەزارەتی سعوودیە، باسی لەوەش کردووە، هەزار و 730 نەخۆش گواستراونەتەوە بۆ چاودێری چڕ، هەروەها 19 هەزار و 219 نەخۆشییش ڕەوانەی بەشی فریاکەوتن کراون، سێ هەزار و 515 نەخۆشیش لە نەخۆشخانە خەوێندراون.
جەختیشی کردەوە، ژمارەی سوودمەندانی ئەو خزمەتگوزارییانەی کە ناوەندە تەندروستییەکان بۆ حاجیان پێشکەشی دەکەن، گەیشتووەتە 48 هەزار و 972 کەس.