هۆشیار زێباری، هۆشداری بە حكوومەتی عێراق دەدا لەبارەی سزادانی بەكۆمەڵی خەڵكی كوردستان و ڕاگرتنی مووچەكانیان، بەوەی بەبێ سزا بەسەریاندا تێناپەڕێ.
هۆشیار زێباری، ئەندامی دەستەی كارگێڕیی مەكتەبی سیاسیی پارتی دیموكراتی كوردستان، لە هەژماری تایبەتیی خۆی لە تۆڕی (X) ڕایگەیاندووە: بڕیاری حكوومەتی سوودانی (چوارچێوەی هەماهەنگی) بە بڕینی تەمویلی مووچەی فەرمانبەرانی هەرێمی كوردستان و لە كاتێكی زۆر خراپدا بۆ سزادانی بەكۆمەڵ و برسیكردنی هاووڵاتییانی هەرێمی كوردستان، بە پاساوی دارایی و كارگێڕی، بەبێ سزا و بە ئاسایی بەسەرتاندا تێناپەڕێ، ئێمە لە شاری خەونەكان ناژین و مێژوویی سیاسییشمان ئاماژەدەری ئەوەیە كە دەستدرێژكار، سزا دەدرێ.