بەپێی هەواڵێکی ڕیانۆڤۆستیی رووسیا، کازم جەلالی، باڵیۆزی ئێران لەم وڵاتە گوتی: “پەیوەندییەکانی نێوان هەردوو وڵات ئێستا گەیشتووەتە ئاستی پەیوەندیی ستراتیژی و هاتووچۆی ئاستبەرزی نێوان بەرپرسانی هەردوو وڵات هەیە؛ بەمزووانە سەردانی سەرۆکی ڕووسیا بۆ تاران دەبینین.”
جێی باسە، لە کۆتاییەکانی کانوونی دووەەمی ١٠٢٥، مەسعوود پزیشکیان، سەرۆککۆماری ئێران، بە سەردانێک بۆ مۆسکۆ و دیدار لەگەڵ بەرپرسانی ئەو وڵاتە، لە کۆشکی کرملینی مۆسکۆ لەگەڵ ڤلادیمیر پۆتین، سەرۆکی ڕووسیا، ڕێککەوتننامەی گشتگیری ستراتیژیی نێوان هەردوو وڵاتیان واژۆ کردبوو.
ڕۆژی ڕابردووش دۆنالد ترەمپی سەرۆکی ئەمریکا لە تۆڕە کۆمەڵایەتییەکان بڵاوی کردووە، بە تەلەفۆن لەگەل پۆتین باسی دانووستانەکانی ئێران و ئەمریکایان کردووە.