بەرپرسانی ئۆکرانیا ڕایانگەیاند، شەوی ڕابردوو لە هێرشە ئاسمانییەکانی ڕووسیا بۆ سەر کیێڤ، لانیکەم 14 کەس کوژراون کە یەکێکیان ئەمەریکییە.
ئیگۆر کلیمێنکۆ، وەزیری ناوخۆی ئۆکرانیا ڕایگەیاند، “27 شوێن لە ناوچە جیاوازەکانی کیێڤ لەلایەن ڕووسیاوە هێرشیان کراوەتە سەر، لەنێو ئامانجەکانیشدا باڵەخانەی نیشتەجێبوون و دامەزراوە پەروەردەییەکان و ژێرخانەکان بوون”.
ئاماژەی بەوەش کرد، “لە کیێڤ 14 کەس کوژراون 44 کەسیش برینداربوون، شەش کەسی دیکەش لە ئۆدێسا برینداربوون.”
تەیمور تکاچێنکۆ، سەرۆکی ئیدارەی سەربازی لە کیێڤ ڕایگەیاندبوو، لە هێرشەکەی ڕووسیا بۆ سەر کیێڤ، 14 کەس کوژراون، هەروەها گەڕان بەدوای قوربانیانی دیکە بەردەوامە.
ڤیتالی کلیچکۆ، سەرۆکی شارەوانی کیێڤ، ئەمڕۆ سێشەممە، لە ڕێگەی تێلێگرامەوە ڕوونیکردەوە، “لە ناوچەی سۆلۆمیانسکی، هاووڵاتییەکی ئەمەریکی تەمەن 62 ساڵ لە ماڵێکدا کوژراوە.