ئامۆزای بەشار ئەسەد، لە ئۆپەراسیۆنێکی سەربازییدا دەستگیر کر، یەکێكه لە دیارترین بازرگانەکانی ماددەی هۆشبەر و لەسەردەمی دەسەڵاتی بەشار ئەسەد دەستی لە تاوانی دیکەدا هەبووە.
ئهمڕۆ شەممە لە بەیاننامەیەکی فەرمیدا، وەزارەتی ناوخۆی سوریا ڕایگەیاند: دەزگای هەواڵگریی گشتی، بە هاوبەشیی دەزگا پەیوەندیدارەکان لە وەزارەتی ناوخۆ، توانیوویانە وەسیم ئەسەد، لە ئۆپەراسیۆنێکی تۆکمەدا لەڕێگەی تیمێکی ئەرکە تایبەتەکان دەستگیر بکەن.
وەزارەتی ناوخۆی سوریا، وێنەی وەسیم ئەسەدی بڵاوکردووەتەوە و لەسەری نووسیووە، ئەو ئۆپەراسیۆنە لەچوارچێوەی پابەندبوونی دەوڵەتە بۆ ڕوبەڕووبوونەوەی تاوانی ڕێکخراو و دەستگیرکردنی داواکراوان و بەدیهێنانی دادپەروەری بەبێ جیاوازی.
ویلایەتە یەکگرتووەکانی ئەمەریکا ساڵی 2023، وەسیم ئەسەدی خستە نێو لیستی سزاکانی بۆ سەر ئەو سەرکردانەی سەربازیی نین، بەڵام پشتگیریی سوپای ئەسەدیان کردووە و دەستییان هەبووە لە بازرگانیی بە ماددەی هۆشبەر، لەوانەش حەبی کەپتاگۆن.