بەرپرسانی ئیسرائیل ڕایدەگەیەنن، لە هێرشەکەیان بۆسەر ئێران 11 زانای ئەتۆمی و 30 بەرپرسی پلە باڵای ئەمنیان کوشتووە.
بەرپرسانی ئیسرائیل بە ئاژانسی ڕۆیتەرزیان ڕاگەیاندووە؛ لەماوەی 12 ڕۆژی جەنگ دژی ئێران، ئیسرائیل توانیویەتی لە ئۆپەراسیۆنەکانیدا 11 زانای ئەتۆمی و 30 بەرپرسی پلە باڵای ئەمنی ئێران بکوژێت.
بەگوێرەی ڕۆیتەرز، ئیسرائیل 900 ئامانجی جۆراوجۆری لەناو خاکی ئێراندا پێکاوە، هەروەها توانیویەتی زیان بە سیستەمی مووشەکی ئێران بگەیەنێت و ژمارەیەکی زۆر سەکۆی هەڵدانی مووشەک تێکبشکێنێت.