بە سەرپەرشتیی سەرۆكی حكوومەتی هەرێمی كوردستان، ئەنجوومەنی وەزیران كۆ دەبێتەوە و دوو بڕگە تاوتوێ دەكات.
ئەمڕۆ چوارشەممە 23/7/2025، ئەنجوومەنی وەزیران بە سەرپەرشتیی مەسرور بارزانی، سەرۆكی حكوومەتی هەرێمی كوردستان، كۆ دەبێتەوە و دوو بڕگە تاوتوێ دەكات، لە بڕگەی یەكەمدا، پێشهاتەكانی ئەم دواییەی تایبەت بە جێبەجێكردنی دواڕێككەوتن و لەیەكترگەیشتنی هاوبەشی نێوان هەردوو حكوومەتی هەرێمی كوردستن و حكوومەتی فیدراڵیی پەسندكراو بە بڕیاری ئەنجوومەنی وەزیرانی هەردوولا سەبارەت بە دۆسیەی مووچە و شایستە داراییەكانی هەرێمی كوردستان و دۆسیەی نەوت و داهاتی نانەوتی تاوتوێ دەكرێت.
لە بڕگەی دووەمدا، كۆنووسی كۆبوونەوەی تایبەت بە جێبەجێكردنی دەقی ڕێككەوتننامەی نێوان حكوومەتی هەرێمی كوردستان و حكوومەتی فیدراڵی بە مەبەستی دانانی میكانیزمی ڕێكخستنی كارەكانی دەستەی پێوانەسازی و كۆنترۆڵی جۆریی هەرێمی كوردستان تاوتوێ دەكرێت.