مەسرور بارزانی، سەرۆکی حکومەتی هەرێمی کوردستان لە لاپەڕەی خۆی رایگەیاند، ئەمڕۆ پێشوازیمان لە بەڕێز ستیڤ بیتنەر كونسولی گشتیی ئەمەریکای لە هەرێمی كوردستان كرد بە بۆنەی کۆتایی هاتنی ئەرکە دیپلۆماتییەکەی .
وتیشی، سوپاسیی پشتیوانیی بەردەوامیی ویلایەتە یەکگرتووەکانی ئەمەریکامان لە هەرێمی کوردستان کرد و بە تایبەتی سوپاسی کونسوڵی گشتییمان کرد بۆ کارکردنی لە پێناو پەرەپێدان و پێشخستنی زیاتری پەیوەندیی دوولایەنە لە هەموو بوارەکاندا.
لای خۆیەوە کونسوڵی گشتیی ئەمەریکا، پێزانینی خۆی بۆ پشتگیریی لایەنە پەیوەندیدارەكانی حکومەتی هەرێمی كوردستان دەربڕی و جەختی لە گرنگیی بەهێزبوونی پەیوەندی دۆستانەی وڵاتەکەی لەگەڵ هەرێمی کوردستان کردەوە.
لە کۆتاییدا باسی لەوە کرد، هاوڕابووین لەسەر پێویستیی دەستپێکردنەوەی هەناردەکردنی نەوتی هەرێم و پاراستن و ڕێزگرتن لە قەوارەی فیدراڵیی هەرێمی کوردستان و دابینکردنی مافە دەستووریی و شایستە داراییەکانی خەڵکی کوردستان.