ڕۆدریگۆ گۆیس ئەستێرەی لاوی یانەی ڕیاڵ مەدریدی ئیسپانی ئەم هاوینە یەکێک بووە لەو ناوانەی،کە زۆرترین کاتەکان لەسەر ڕۆژنامەکان و میدیاکان بینراوە ئەمەش دوای کۆمەڵێک ئەگەر و پێشهات دەربارەی ڕۆیشتنی لە ڕیاڵ مەدرید.
ڕۆژنامەی ئاسی ئیسپانی لە نوێترین هەواڵیدا دەربارەی ڕۆدریگۆ ئەوەی درکاندوە،کە ڕۆدریگۆ ئێستا دەیەوێت لە ڕیاڵ مەدرید بمێنێتەوە و هەر چۆنێک بێت قەناعەت بە چابی ئەڵۆنسۆی ڕاهێنەر بکە دەرفەتی تەواوی پێبدات بۆ جێگیر کردنی لە پێکهاتەی سەرەکی تیپەکەی و دەوێت ڕێککەوتنێک و بەڵێنێکی باش لەو ڕاهێنەرە وەربگرێت دەربارەی پێگەی یاری کردنی لە ڕیاڵ مەدرید.
ڕۆدریگۆ سەرەڕای ئەو هەموو گرینگیەی پێی دەردێت لەلایەن یانە گەورەکانی ئەوروپا و سعودیا بەڵام هێشتا دیدەی کەوتۆتە سەر ڕیاڵ مەدرید و حەز بەمانەوەی دەکات لەو یانەیە،ڕیاڵ مەدریدیش دەمێکە ئەوەی بە هەموو ئەو یانانە وتووە نرخی گرێبەست کردن لەگەڵ ڕۆدریگۆ 90 ملیۆن یۆرۆیە،کە ئارسێناڵ زۆرترین هەوڵ دەدات بۆ گواستنەوەی ڕۆدریگۆ.
“سەرکار ڕێبوار”