بەپێی ماڵپەڕی “ئاکسیۆس”ی ئەمریکایی، ئەمڕۆ ئیسان گۆڵدریچ، نێردەی تایبەتیی ئەمریکا بۆ کاروباری سووریا، گەیشتە ئیسرائیل و لەگەڵ بنیامین نەتانیاهۆ، سەرۆک وەزیرانی ئەو وڵاتە کۆبووەوە.
بەپێی زانیارییەکان، گۆڵدریچ و نەتانیاهۆ باسیان لە هێرشەکانی ئیسرائیل بۆ سەر لوبنان و دانوستاندنەکانی نێوان ئەمریکا و سووریا کردووە.
هەر لەم سەردانەدا، نێردەی ئەمریکا بە جیا لەگەڵ گیدیۆن سار، وەزیری دەرەوە، ڕۆن دێرمەر، وەزیری کاروباری ستراتیژی و یسرائیل کاتز، وەزیری بەرگریی ئیسرائیل کۆبووەتەوە.