ئەڤرۆ ب چاڤدێریا بەرێز د. عەلی تەتەر پارێزگارێ دهۆکێ وب ئامادەبونا بەرێزان خەلیل مەحمود دەڤەردارێ سێمێلێ وچەند بەرپرسێن حزبی وئیداری وکەسایەتیێن دەڤەڕێ وسەرمایدار و وبەرهێنەران پرۆژێ ئەکوالاند یێ گەشتیاری یێ کەرتێ تاییەت ل دەڤەرداڕیا سێمێلێ هاتە ڤەکرن.
پارێزگارێ دهۆکێ گەریانەک لناڤ پرۆژەی کر وژنێزیک سەحکرە پێک هاتەیا پرۆژەی وپیروزباهی ل خودانێن پرۆژەی کری ودوپاتکر کۆ ئەڤ پرۆژە دێ بیتە هاندەرەک بۆ راکێشانا گەشتیارا وپەیداکرنا دەلیڤێن کاری بۆ گەنجێن دەڤەرێ وخواست کو سەرمایدار و وەبەرهێنەر چاڤ ل خودانێن پرۆژەی بکەن وپرۆژێن هوسا یێن گران بها ئاڤاکەن وپشتەڤانیا حکومەتا هەرێمێ بۆ ڤان جورە پرۆژا نیشان دا.
هەژی گوتنێ یە پرۆژە ل سەر روبەرێ 52 هزار مترێن چارگوشە هاتیە ئاڤاکرن وچەندین مەلەڤانگە ویاریێن جودا جودا یێن زاروکا ومەلەڤانگەهەکا ئولومپی وهوڵێن لەش جوانیێ ویارێێن پێلێن دەریایێ وروباڕەکێ دەستکرد وخوارنگە وکافیتریا و بخوڤە دگریت پرۆژە بکوژمێ 12ملیون دولارا هاتیە ئاڤاکرن.