رۆژی چوارشەممە ٣ی ئەیلوولی ٢٠٢٥، بە ئامادەبوونی هەریەك لە ڤلادیمێر پوتین، سەرۆكی رووسیا و كیم جۆنگ ئون، سەرۆكی كۆریای باكوور و ٢٦ سەركردەی دیكەی دونیا، چین هێزی سەربازیی خۆی نمایش كرد.
نمایشەكە بە بەشداریی ١٠ هەزار سەرباز و سەدان فڕۆكە و ئۆتۆمبێلی سەربازی بەڕێوە چوو، تێیدا ٤٥ پێكهاتەی سەربازی لە هێزە كلاسیكەكان و پێكهاتە نوێیەكانی سەربازی نمایش كران. هەروەك: فڕۆكەی شەڕكەر، مووشەكی هەڵگری كڵاوەی ئەتۆمی، سەكۆی دژەدرۆن، مووشەكی پێشكەوتووی سەرووی دەنگی و چەندان جۆرە چەك و چۆلی دیكەی سەربازی.