شەوی رابردوو سەربازێكی سوپای عێراق لە كاتی ئەركی ئێشكگریدا لەلایەن چەكدارانی داعشەوە بە گولـلەی قەناس کوژرا.
شەوی رابردوو لە گوندی خاشا لە نزیك وادی شای لە سنووری پارێزگەی كەركووك، چەكدارانی داعش هێرشیان كردە سەر خاڵێكی ئێشكگری لیوای 44ی سوپای عێراق، سەربازێك كە لە خاڵە ئێشكگرەكەدا بوو، بە گولـلەی چەكی قەناسی چەكدارانی داعش كوژراوە.
تەرمی سەربازە كوژراوەكە رەوانەی نەخۆشخانەی گشتیی داقووق كراوە.