میدیاکانی ئیسرائیل بڵاویان کردەوە، فڕۆکەکانی ئیسرائیل بە ئاسمانی ئوردن، سووریا، عێراق و سعوودیەدا فڕیون بۆ ئەنجامدانی ئۆپەراسیۆنەکەی دژی سەرکردەکانی حەماس لە دۆحە.
کەناڵی 14ـی ئیسرائیل بڵاویکردەوە، 10 فڕۆکەی جەنگی بەشدارییان لە ئۆپەراسیۆنەکەی سەر قەتەر کردووە و 10 مووشەکیان ئاراستەی بارەگای کۆبوونەوەی شاندی حەماس لە دۆحە کردووە.
ئاماژەی بەوەشکردووە، فڕۆکە جەنگییەکانی ئیسرائیل 1800 کیلۆمەتریان بڕیوە بۆ ئەوەی بگەنە ئامانجەکەیان.