کۆبوونەوەی ئەنجوومەنی دەوڵەت لەبارەی داهاتی نانەوتیی هەرێمی کوردستان دەستیپێکرد و چاوەڕێ دەکرێت ئەمڕۆ بڕیاری کۆتایی خۆی بدات.
ئەمڕۆ چوارشەممە، 17ـی ئەیلوولی 2025، بە سەرۆکایەتیی کەریم خەسباک، سەرۆک ئەنجوومەنی دەوڵەت و دادوەر و ڕاوێژکارەکانی ئەنجوومەنەکە؛ کۆبوونەوەی تایبەت بە وەڵامدانەوەی نووسراوی ئەنجوومەنی وەزیرانی عێراق لەبارەی پرسی داهاتی نانەوتیی هەرێمی کوردستان، دەستیپێکرد.
پێشبینی دەکریت ئەمڕۆ چوارشەممە، ئەنجوومەنەکە وەڵامی کۆتایی خۆی لەبارەی پرسی داهاتی نانەوتیی هەرێمی کوردستان بۆ ئەنجوومەنی وەزیرانی عێراق بنێرێت.