وەزارەتی دارایی ڕێنوێنیی نوێی بۆ پێشینە و قەرزەكان دەر كرد

وەزارەتی دارایی و ئابووری، ڕێنوێنیی ژمارە 10ی ساڵی 2025ی دەركرد و 15%ی چەند قەرز و پێشینەیەك خۆش دەبێ تا 31/12/2025.

لە ڕینوێنییەكەی وەزارەتی داراییدا هاتووە:  ڕایگەیاند لەسەر پێشنیاری وەزارەتمان بە نوسراوی ژمارە ( ٣٠٥ ) لە ٢٠٢٥/٧/٧ ، و بەمەبەستی کارئاسانی بۆ هاوڵاتییانی سوودمەند لە پێشینە و قەرزەکانی بانکەکانی سەر بە وەزارەتی دارایی و پاڵپشت بە بڕیاری ئەنجوومەنی وەزیران ژمارە ( ٢٨٨ ) لە ( ٢٠٢٥/٩/١٠ ) ئەم ڕێنوێنییە دەرکرا.

یەكەم: لێخۆشبوون بە ڕێژەی 15% بۆ گشت قەرز و پێشینەكانی خانووبەرە، نیشتەجێبوون، كشتوكاڵی، پیشەسازی، گەشتوگوزاری. لە ئەسڵی پێشبینە، یان قەرزی ماوە، لای سوودمەدان، بە ڕەچاوكردنی نووسراوی پێشووی سەرۆكایەتیی ئەنجوومەنی وەزیران ژمارە 15786) لە 12/11/2024 تایبەت بە قەرز و پێشینەكانی كشتوكاڵی.

دووەم: دوای جێبەجێكردنی خاڵی یەكەمی سەرەوە، لێخۆشبوون لە سوودی دواكەوتن، بۆ سوودمەندان لە پێشیبنەكانی سەرەوە بكرێ.

سێیەم: ئەم ڕێنوێنییە لە ڕێكەوتی دەرچوونی بڕیاری ئەنجوومەنی وەزیران كاری پێ دەكرێ تا ڕێكەوتی 31/12/2025 و لە رۆژنامەی فەرمیی وەقایعی كوردستان بڵاو دەكرێتەوە.