ل دووڤ راسپاردهیێن “مهسرور بارزانى” سهرۆكێ حكومهتا ههرێما كوردستانێ ژبۆ پاراستنا ژینگههێ و پاقژ راگرتنا جهێن گشتی ئهڤرۆ سپێدێ رۆژا ئێكشهمبی ٢١ێ ئەیلولا ٢٠٢٥ێ مە سهرپهرشتیا كۆمبوونهكا تایبهت دگهل ههر شهش دهڤهردارێن پارێزگهها دهوکێ و ریڤهبهرێن پهیوهندیدار كر.
دكۆمبوونێدا بهحسێ گرنگیا پاراستنا ژینگههێ و پاقژراگرتنا جاده و كولانێن ناڤ باژێر و گوندان و جهێن گشتى هاته كرن.
دوپات دکەین كۆ ل دووڤ راسپاردهیێن “مهسرور بارزانى” سهرۆكێ حكومهتا ههرێما كوردستانێ دڤێت ل سهر ئاستێ ههموو دهڤهردارى و ناوچهدارى و رێڤهبهریێن پهیوهندیدار گرنگى ب پاقژیێ و پاراستنا ژینگههێ بهێته دان و رویێ جوان یێ دهڤهرێ کو پاقژی و ژینگەهـ پارێزی بەشەکە ژ کولتوورێ جوانێ وەلاتێ مە باشتر بهێته دیاركرن.
پاش گهنگهشێن تێر وتهسهل ل سهر بابهتى هاتنهكرن و چهندین بریار و رێنما هاتنه دهركرن دا ژینگهها دهڤهرێ پتر بهێته پاقژكرن و پاراستن.
ژوان رێنما و بریاران :-
١- دیاركرنا جهێن تایبهت ل سهرجادێن سهرهكى و لاوهكى بۆ وێ یهكێ خودانێن مهزرهعا و سهیرانى گلێشێ خۆ یێ رۆژانه دانه وان جها.
٢- كۆمپانیێن راكرنا گلێشی ب ئهركێ خۆ یێ دهستنیشانكرن رابن و بهردهوامیێ ب دهنه كارێن پاقژكرنێ ل دویف پیڤەر و کوالیتیێن دەستنیشانکری.
٣- دهزگههێن پهیوهندیدار بهردهوام دووڤچونا سهرپێچكاران بكهن چ ئهوبن یێن زیدهگاڤیا ل سهر ژینگههێ دكهن یان ئهوبن یێن گلێشی نهدانه جهێن دهستنیشانكرى ویێن پێگریێ ب رێنمایا نهكهن ل دووڤ یاساى بهێنه سزادان.
٤- پشتى جهێن تایبهت بۆ دانانا گلێشى دهێنه دیاركرن دڤێت دهزگههێن راگههاندنێ و رێڤهبهریێن پهروهردێ و فهرمانگههێن دى وەکو زانكو و ئێكهتیا زانا و ئهوقاف و دهزگههێن حزبى و رێكخراوێن جهماوهرى و ژینگه دوست هشیاریا جڤاكى و هەوەکا نیشتیمانی دناڤ خهلكێ دهڤهرێ دا بهلاڤكهن كۆ گرنگیێ ب پاقژیێ و پاراستنا ژینگههی بدهن کو ئەرکەکێ ئایینی و نیشتیمانی و مروڤایەتیە.