ئهڤرۆ سپێدێ رۆژا چارشهمبى ٢٤ی ئهیلولا ٢٠٢٥ ێ ”د.عهلى تهتهر “ پارێزگارێ دهۆكێ پێشوازیا لیژنا بلند یا ئامادهكرنا پهرتوكا رێبهرێ راستنڤیسا زمانێ كوردى زارێ كرمانجى كر یا پێكهاتى ژ ”د.داودسلێمان “سهرۆكێ زانكویا دهۆكێ و” د.دیار عبدالكریم” سهرۆكێ زانكویا زاخو وشاندێ دگهلدا.
دههڤدیتنهكێدا بهحسێ گرنگیا چاپكرنا پهرتوكا ناڤبرى وگشتاندنا وێ ل سهر ههموو دام ودهزگههێن میرى وفهرمى وسهندیكا وچاپخانه وباشنڤیس وسازیێن پهیوهندیداركۆ نڤیسارێن خۆ ل دووڤ وێ رێنڤیسێ بهرههڤكهن ب گشتى هاته كرن.
پارێزگارێ دهۆكێ دهست خۆشى ل لیژنا ئامادهكرنا پهرتوكێ كر ودپاتكر كۆ ئهڤ پهرتوكه زۆر یا گرنگه و دێ بیته هاریكار بۆپێشئێخستن وئێكگرتنا راستنڤیسا زمانێ كوردى زارێ كرمانجى وپشتهڤانیا پارێزگههێ نیشان دا بۆ چاپكرنا پهرتوكێ وبهلاڤكرنا وێ ل سهر ههموو دهزگههێن میرى وپهروهردهیی ورهوشهنبیرى ونڤیسهران وراگههاندنێ وسهندیكا وباشنڤیسان وسازیێن پهیوهندیدار كۆ ژئیرۆ پێدا ههموو نڤیسار ل دووڤ رێنڤیسا وێ پهرتوكێ بهێنه نڤێسین وچاپكرن ودوباره پشتهڤانیا پارێزگههێ نیشان دا بۆ چاپكرنا ههر بهرههمهكێ گرێداى ب هزرێن نیشتمانى ونهتهوهیى.
