ئەڤرۆ پێنجشەمبی ب ئامادەبوونا ڕێڤەبەرێ گشتیێ ساخلەمیا پارێزگەها دهۆکێ، دووماهیک ب خۆلەکا سێ رۆژی بۆ نۆشدارێن پلەبەند هاتە کرن.
د.ئەفراسیاب موسا، ڕێڤەبەرێ گشتیێ ساخلەمیا پارێزگەها دهۆکێ دەستخۆشی سوپاسیا نۆژدارێن پلەبەند و بەشداربوویێن خۆلێ کر، ل سەر بهێنفرەهیا وان ل سەر گیرۆبوونا پلەبەندیا وان بێ مۆچە دبەردەوامبوون ل سەرخزمەتکرنێ د دەزگەهێن ساخلەمیێ دا.
گۆتژی: دەستخۆشیێ ل رێکخەرێن خۆلێ و ماموستایێن خۆلێ دکەم، بابەتێن گەلەک گرنگ د بیاڤێ کارگێرێ و ساخلەمیێ دا هاتنە گۆتن و دیارکرن، بەشدابوویێن خۆلێ دێ چنە دەرڤەیی باژێری و ئەرکێ بەرپرسیاریا دەزگەهێن ساخلەمی وەرگرن، گرنگە بزانن دێ چاوا کارگێریا دەزگەهی کەن و سەرەدەریێ دگەل نەخۆشان و جڤاکی کەن.
رێڤەبەرێ ساخلەمیا دهۆکێ ڕاگەهاند، ئەف قۆناغە بو نۆژداران گەلەک یا گرنگە ژبەرکۆ دڤی ماوەی دا پێدڤیە بزانین دوڤدا دێ چ تایبەتمەندی هەلبژێریت، هیڤیدارم دڤێ قوناغێ دا پشتراستیەکا باش ل سەر شیانێن خۆ بکەن، و من باوەریا هەیی هەمی خۆدان شیانن و دێ ل پاشەرۆژێ خزمەتا مللەتێ مەکەن، چۆنکو کارێ نۆشداری خزمەتکرنا بەردەوام یا مرۆڤایەتیێ یە، وگۆتژی: دڤێ قوناغێ دا هەمی دێ پێگیربن ب ڕێنمایێن بو دهێنەدان و هەر دەما ئاریشەیەک بهێتە دڕێیا وان دا ب زۆترین دەم دێ چارەسەرکەین دا کو دبەردەوام بن ل سەر خزمەتکرنێ.
هەژی گۆتنێ یە خۆل ل رۆژێن 23-24-2025/9/25 ل هۆلا ساخلەمیا دهۆکێ برێڤەچوو، و تێدا 105 نۆشدارێن پلەبەند ل دۆر بابەتێن کارگێری و پرۆگرامێن خۆپاراستنا ساخلەمی ل بنگەهێن ساخلەمیێ بەشداربوون.