ئەمڕۆ سێشەممە 2025.10.21، ئومێد خۆشناو، پارێزگارى هەولێر، بەیاوەری فەریق روکن عیسا عوزێر، سەرۆکی ئەرکانی وەزارەتی پێشمەرگە و نوێنەری سەرۆكایەتی هەرێم و بەڕێوەبەری گشتیی پۆلیس و فەرماندەى فەرماندەیی ناوچەی یەکی هێزەکانی پاسەوانی سنوور و ژمارەیەكی تر لە ئەفسەر و پلەداران، لە فڕۆکە خانەى نێودەوڵەتى هەولێر، پێشوازی لە شاندێکی باڵای سەربازی و ئەمنی بە سەرۆكایەتی فەریق روکن عەبدولئەمیر یاڕەڵڵا، سەرۆک ئەرکانی سوپای عێراق کرد.
بڕیارە شاندەکە لەماوەی سەردانیان بۆ هەولێری پایتەخت ژمارەیەک دیدار و کۆبوونەوەی گرنگ، لەگەڵ سەرۆك بارزانی، سەرۆكی هەرێمی کوردستان ، وەزیری ناوخۆی حكومەتی هەرێمی كوردستان ئەنجام بدەن.
