ئەحمەد موسارەشی، بەربژارێ پارتی دیموکراتی کوردستان، ڕاگەهاند: کو دێ کار ل سەر چارەسەرکرنا کێشەیێن سەرەکی یێن ناڤچەیێن ماددێ 140 کەن؛ ئانکو راکرنا ستەم و زوڵمێ و گەهاندنا خزمەتگوزارییان.”
ئەحمەد عەلی خەلەف موسارەشی (بەربژارێ ژمارە 30 ل سەر لیستا 275 یا پارتی دیموکراتی کوردستان ل بازنێ نەینەوا بۆ جڤاتا نوێنەرێن عێراقێ) تایبەت بۆ ئاژانسا نووچەیا زاگرۆس ئاخڤت و ڕەخنە ل حکومەتا فیدڕالی یا بەغدا گرت کو ناڤچەیێن وان ب درێژاهی پشتگۆهکرییە و ب شێوەیەکێ تەمام ستەما لێ هاتیە کرن.”
موسارەشی ئاماژە کر کو دێ کار ل سەر ڕاگرتنا سڕکرنا تۆمارێن زەڤیان(الٳطفاء) کەن، چونکی گۆت: “حەتا نها گەلەک زەڤیێن مە بڕیارێن یاسایی یێن ڕاگرتنا مامەلەیێن ل سەر دانە و ناهێتە فرۆتن و کڕین.”
هەروەسا دوپاتکر کو دێ کار بۆ گەهاندنا گشت خزمەتگوزارییان بۆ ناڤچەیێ کەن، چونکی: “ناڤچەیێن مە (ماددێ 140) ب شێوەیەکێ تەمام ژ ئالیێ حکومەتا ئیتیحادی یا فیدڕالی ڤە ل بەغدا ستەما لێ هاتیە کرن و پشتگۆهخستینە.”
بەربژارێ پارتی ئاماژە ب هەول و خزمەتێن حکومەتا هەرێما کوردستانێ کر و گۆت: “هەر ئاڤاکرنەک ژی ل ڤان ناڤچەیان دهێتە دیتن، ب هەول و فەزلێ حکومەتا هەرێما کوردستانێ یە و مەنەڤێت باری سەر ملێن حکومەتا هەرێمێ ژ ڤێ چەندێ زێدەتر گران بکەین.”
د دوماهیێدا ئاشکەرا کر: “لەورا مە خوە پالاڤتیە بۆ ڤێ خولا هەلبژارتنا داکو بەرەڤانیێ ژ ماف و خواستێن هاولاتیێن ڤان ناڤچەیان بکەین و هێزامە لپەرلەمانی دەنگداناوەیە بۆ لیستا 275 یا پارتی دیموکراتی کوردستان.