سیروان محەمەد خدر ڕۆژبەیانی، بەربژارێ پارتی دیموکراتی کوردستان، ڕاگەهاند: کو ئارمانجا سەرەکی یا وی زڤڕاندنا نەینەوایێ یە بۆ جهێ وێ یێ ڕەسەن و پاراستنا مافێن پێکهاتەیان، و هێزا وی د باوەرییا خەلکێ دایە نە کورسی.
سیروان محەمەد خدر ڕۆژبەیانی (بەربژارێ ژمارە 61 ل سەر لیستا ٢٧٥ یا پارتی دیموکراتی کوردستان بۆ جڤاتا نوێنەرێن عێراقێ)، کو جێگرێ ئێکێ یێ بهرێ یێ پارێزگارێ نەینەوایێ بوو، تایبەت بۆ ئاژانسا نووچەیا زاگرۆس ئاخڤت و جەخت کر کو کارکرن و خزمەتکرنا وی ل ڤێ پارێزگەهێ بۆ زێدهتر ژ ١٥ سالان بهردەوامه. وی شانازییا خزمەتکرنێ ژ ههر پۆستهکێ ب مەزنتر زانی.
ڕۆژبەیانی ئاماژە کر کو د ئەرکێ خو یێ بهرێ دا، وی دهرگەهـ ل سهر چ پێکهاتە و ئایین و مهزههبەکێ نەگرتیە، بهلکوو بۆ ههمیان ب ڕۆحێ برایهتی و ههڤبهشی کارکریە.
ههروهسا دوپاتکر کو ئارمانجا سەرەکی یا وی زڤڕاندنا ڕۆمەت و پاراستنا مافانە، چونکی: “ئارمانجا مه ئێک بوو. زڤڕاندنا نەینەوایێ بۆ جهێ وێ یێ ڕەسەن و پاراستنا رۆمەت و مافێن هەمی پێکهاتەیان.”
بەربژارێ پارتی ئاماژە ب هێزا خو کر و گۆت: “هێزا من یا ڕاستەقینە د پۆستێ من دا نینە، بهلکوو د باوەریا بلند و دهنگێ دلۆڤان یێ خەلکی دایە، کو وی ب ئهمانهتەکا مهزن دزانم.”
د دوماهیێدا ئاشکەرا کر کو دێ بیتە دهنگهكێ بهێز ل پهرلهمانی بۆ گههاندنا دهنگێ نهینهوایێ بۆ بهغدا و داخوازکرنا مافێن ڕاوهستیاین و بهلێنێن درەو نادەت. لەورا، داخواز ژ دەنگدەران کر کو دەنگ بدەنە لیستا ٢٧٥ یا پارتی دیموکراتی کوردستان، ژ بۆ کو نەینەوا وەک ڕەمزەک بۆ پێکڤەژیان و برایەتیێ بمینیت.