ئەمڕۆ دەنگدانی تایبەت لە عێراق و هەرێمی کوردستان بەڕێوە دهچێت، لە بەشێک لە بنکەکانی دەنگدان لە بەغدا هێشتا پۆستەری بەشێک لە کاندیدەکان لێنەکراونهتهوه، بەپێی ڕێنوێنیهكانی کۆمسیۆن ئەم دیاردەیە پێشێلکارییە.
لە بەشێک لە تۆڕە کۆمەڵایەتییەکانی عێراق چەندین ڤیدیۆ بڵاو کراوەتەوە کە هێشتا پۆستەری کاندیدەکان بەو بنکانەوەیە کە دەنگیان تێدا دەدرێت و ئەمەش وەک پێشێلکاری لەلایەن کۆمسیۆنی باڵای سەربەخۆی هەڵبژاردنەکانەوە تۆمار دەکرێت.
لە دەنگدانی تایبەتدا لە سەرانسەری عێراق 809 بنکە بۆ دەنگدانی تایبەت دیاری کراون. لە هەرێمی کوردستان 1312 بنکە بۆ دەنگدانی تایبەت هەیە. 528 بنکە کە 2023 وێستگەیان تێدایە لە پارێزگای هەولێر، 506 بنکە کە 2200 وێستگەیان تێدایە لە پارێزگای سلێمانی و 277 بنکە کە 1396 وێستگەیان تێدایە لە پارێزگای دهۆک بۆ ئەم دەنگدانە ئامادە کراون.