کۆمیسیۆنی باڵای سەربەخۆی هەڵبژاردنەکان جەختی کردەوە لەسەر پێکهێنانی لیژنەی یاسایی بە سەرۆکایەتی دادوەر و راوێژکاران بۆ یەکلاکردنەوەی تانەکان، لە کاتێکدا ئاماژەی بەوەدا کە بڕیارەکانی ئەنجومەنی کۆمیسیاران مافی تانەلێدانیان هەیە لە ماوەی سێ رۆژدا دوای ئەنجامە کۆتاییەکان.
جومانه غەلای، گوتەبێژی کۆمیسیۆن رایگەیاند: “کۆمیسیۆن لیژنەیەکی لە فەرمانبەرانی یاسایی پسپۆڕ پێکهێناوە بە سەرۆکایەتیی ئەندامانی ئەنجومەنی کۆمیسیاران لە دادوەر و راوێژکاران بۆ یەکلاکردنەوەی تانەکان”، ئاماژەی بەوەشدا کە “ئەنجامی کۆتایی بە بڕیاری ئەنجومەنی کۆمیسیاران رادەگەیەنرێت.”
جەختی کردەوە کە “هەموو بڕیارێکی ئەنجومەنی کۆمیسیاران مافی تانەلێدانی هەیە لەبەردەم دەستەی دادوەری لە ماوەی سێ رۆژدا لە رۆژی بڵاوکردنەوەیەوە.”
ئاماژەشی دا: “ئەنجامی کۆتایی بە بڕیاری ئەنجومەن رادەگەیەنرێت و دوای کۆتاییهاتنی قۆناغی تانەکان و یەکلاکردنەوەیان، دادگای فیدراڵی ئەنجامەکان پەسەند دەکات. دەنگی بەربژێرە دوورخراوەکان لە لیستەکەدا ناژمێردرێت.”