ئهمهش دهقی پهیامهكهیه:
رێزدار/ سەرۆک مسعود بارزانی.
رێزداران/ جەنابی کاک نێچیرڤان بارزانی، و جەنابی کاک مەسرور بارزانی، جێگرانی سەرۆکی پارتی دیموکراتی کوردستان.
بەبۆنەی کۆتاییهاتنی هەڵبژاردنەکانی ئەنجوومەنی نوێنەرانی عێراق و سەرکەوتنی گەورەی پارتی دیموکراتی کوردستان و بەدەستهێنانی زیاتر لە یەک ملیۆن دەنگ، گەرمترین پیرۆزبایی خۆمان ئاڕاستەی بەڕێزتان و جێگرانی سەرۆک و تێکرای ئەندامانی مەکتەبی سیاسی و سەرکردایەتی و سەرجەم کادر و ئەندامانی پارتی دیموکراتی کوردستان دەکەین، ئومێدی بەردەوامی و سەرکەوتنتان بۆ دەخوازین.
بە شانازییەوە وەک پارتی چاکسازی تورکمان و پێکهاتەی تورکمان پاڵپشتی سەرسەختی لیستی پارتی دیموکراتی کوردستان بوین و رێکخستنی حزبمان و ئەندام و لایەنگرانمان دەنگی خۆیان بە لیست و کاندیدەکانی پارتی دیموکراتی کوردستاندا، لەبەرئەوەی بۆ ئێمەی پێکهاتەی تورکمانی پارتی دیموکراتی کوردستان هەمیشە داکۆکیکاری سەرسەختی پاراستن و دەستەبەرکردنی سەرجەم مافەکانمان بووە، بۆ ئێمەی پێکهاتەی تورکمان زۆر گرنگە پارتی بەهێز بێت چونکە لە دواجاردا کوردستان بەهێز دەبێت و قەوارەی دەستوری هەرێمی کوردستانیش هەر بە سەرۆک بارزانی و پارتی دەپارێزرێت.
دووبارە گەرمترین پیرۆزبایتان لێدەکەین و هیوای سەرکەوتنتان بۆ دەخوازین و هەمیشە شاد و سەرفراز بن.
عبدالقادر بازرگان
سەرۆکی پارتی چاکسازی تورکمان
١٣ی ١١ی ٢٠٢٥