گەورە بەرپرسانی فەڕەنسا داوا لە لایەنە براوەکانی هەڵبژاردنی پەڕلەمانی عێراق دەکات پەلە بکەن لە پێکهێنانی حکوومەتی نوێی وڵاتەکە.
جان نۆیێل بارۆ، وەزیری دەرەوەی فەرەنسا، لەبارەی دۆخی سیاسی عێراق و قۆناغی دوای هەڵبژاردنەکان پەیامێکی بڵاوکردەوە و داوای خێراکردنی هەنگاوەکان دەکات.
وەزیری دەرەوەی فەرەنسا ڕایگەیاند: “پرۆسەی هەڵبژاردن لە عێراق کۆتایی هاتووە، ئێستا کاتی ئەوەیە لایەنەکان بەرپرسیارێتی هەڵبگرن و دەست بە پێکهێنانی حکوومەتی نوێ بکەن.”
بارۆ جەختی کردەوە کە گرنگە عێراق تووشی بۆشایی سیاسی نەبێت و دامەزراوەکان بەو ئاراستەیە کار بکەن کە سەقامگیری وڵات بپارێزن.
ئەم لێدوانەی بەرپرسی یەکەمی دیپلۆماسی فەرەنسا لە کاتێکدایە کە کۆمەڵگەی نێودەوڵەتی بە وردی چاودێری دۆخی عێراق دەکات و خوازیارە دوای تەواوبوونی پرۆسەی دەنگدان، گفتوگۆی لایەنەکان بۆ پێکهێنانی کابینەی نوێ ئەنجامی هەبێت.